報名前想知的事

水滴童畫室同慢寫生活有咩分別？

水滴童畫室主打小朋友創意藝術（創意啟航・恆常創意藝術班，4–6 歲）。
慢寫生活主打書法、月滿書法聚，適合成人同長者參與。
詳見課程頁。

惡劣天氣會唔會上課？

一號／三號風球、黃雨、紅雨：照常上課。
八號風球或黑雨警告：該堂取消，之後安排補堂。

材料邊啲包、邊啲要自備？

水滴童畫室創意藝術班及特色手作工作坊：包材料。
（家長如有需要請自行安排圍裙及手工用手袖）
書法班：提供墨水、墨碟、枱墊、練習紙（有限度提供）、毛筆（有需要可借用）。建議書法班同學購買毛筆。其他書法班物料安排再由導師上課確認。

$99 體驗堂適用邊啲課程？

只適用：水滴童畫室創意啟航・恆常創意藝術班（4–6 歲）；慢寫生活靜心書法課程（兒童）。
月滿書法聚（成人／長者）將於 11 月 8 日、22 日，每位 $120／90 分鐘按次收費，此課程不適用 $99 體驗堂。

體驗堂可以用幾多次？

$99 體驗堂每名參加者只限用一次。

$99 體驗堂之後點扣學費？

體驗後 4 日內報名正式課程，$99 可扣減該課程學費。逾期則作獨立體驗堂計算。

請假同補堂點樣安排？

請至少於上課前一日用 WhatsApp 通知。同一個學期內可補一次。當日臨時通知、或無故唔嚟，恕不補堂。

工作室喺邊？點聯絡？

新蒲崗五芳街 8 號利嘉工業大廈。
導師 Miss Kong。
WhatsApp：9726 2550（報名／查詢課堂）。
營業時間約週一至週日 09:30–18:30（以課堂為準）。

港鐵點行：鑽石山站 A2 出口 → 行人通道往彩虹道 → 轉入五芳街 → 利嘉工業大廈（步行約 5–10 分鐘）。詳情同地圖見首頁「點樣嚟工作室」。
用 Google 地圖導航 ⟶

每堂幾耐？

水滴童畫室：每堂 1 小時。
慢寫生活書法入門：兒童每堂 1 小時。

學費大概幾多？

水滴童畫室：6 堂 HK$1,380｜單堂 HK$270（每班上限 4 人）。

慢寫生活書法入門：8 堂約 $1,680（開張優惠）起。
完整收費及時間表見課程頁。